ఆయన లాంటి ‘బాహుబలి’ మరొకరు లేరు నివేదా థామస్‌

ఆయన లాంటి ‘బాహుబలి’ మరొకరు లేరు

నివేదా థామస్‌

‘జెంటిల్‌మెన్‌’ చిత్రంతో తెలుగు ప్రేక్షకులకు పరిచయమైంది నివేదా థామస్‌. తొలి చిత్రంతోనే మంచి గుర్తింపు తెచ్చుకున్న నివేదా..ఆ తరువాత ‘నిన్నుకోరి’, ‘జై లవకుశ’ చిత్రాల్లో నటించింది. చిత్ర పరిశ్రమకు వచ్చిన అతి తక్కువ సమయంలోనే ఎన్టీఆర్‌ వంటి అగ్రకథానాయకుడికి జంటగా నటించే అవకాశం దక్కించుకుంది. తాజాగా తాను నటించబోయే చిత్రాల గురించి, తనకు నచ్చిన హీరోల గురించి నివేదా ట్విటర్‌ వేదికగా అభిమానులతో పంచుకుంది.

ప్రశ్న: నచ్చిన కోస్టార్‌?

నివేదా: కమల్‌ హాసన్‌

తెలుగులో తర్వాతి సినిమా ఏంటి?

త్వరలో ప్రకటిస్తాను

తారక్‌ గురించి మీ అభిప్రాయమేంటి?

తారక్‌ది అద్భుతమైన పర్సనాలిటీ. ఆయన ఎనర్జీతో సెట్‌ మొత్తం వెలిగిపోతుంది. నిబద్ధతతో పనిచేసే వ్యక్తి.

మీరు చేసిన సినిమాల్లో ఏది బెస్ట్‌?

జెంటిల్‌మెన్‌, నిన్నుకోరి, పాపనాశం..ఎంపిక చేయాలంటే కొంచెం కష్టమే.

హీరోయిన్‌ కాకపోయుంటే ఏమై ఉండేవారు?

హీరోయిన్‌ కాకపోయినా సినిమాల్లోనే ఉండేదాన్ని. సినీమాటోగ్రఫర్‌గా కానీ దర్శకురాలిగా కానీ చేస్తుండేదాన్ని. ఒకవేళ సినిమా కాకపోతే ఆర్కిటెక్ట్‌ అయ్యుండేదాన్ని.

ప్రభాస్‌ గురించి ఒక్కమాటలో..

ఆయన్ని మించిన మరో ‘బాహుబలి’ ఉండడు. ప్రభాస్‌కి దేహదారుఢ్యం, సినిమాలు ఎంపికచేసుకునే విధానమే ఆయన్ని అగ్రకథానాయకుడిగా నిలబెట్టాయి.

మరి నాని గురించి..

నాని గురించి ఒక్కమాటలో చెప్పలేం. అతను కుటుంబంలో ఓ వ్యక్తిలాంటివాడు

ఎవరైనా మీకు ప్రపోజ్‌ చేస్తే ఏం చేస్తారు?

నవ్వి ఊరుకుంటా

ఇప్పటివరకు మీరు నటించిన పాత్రల్లో ఏది కష్టంగా అనిపించింది?

కష్టంగా అనిపించింది అని చెప్పలేను కానీ..నేను చేసిన పల్లవి, కేథరీన్‌ పాత్రలు నచ్చాయి.

ప్రపంచానికి ఏదన్నా చేయాలన్న కోరిక ఉందా?

ప్రస్తుతం ఉన్న ప్రపంచం సరిగ్గా లేదు. సమాజంలో అందరినీ సమానంగా చూసేలా నా వంతు ప్రయత్నం చేస్తాను.

ఎలాంటి సినిమాల్లో నటించాలని కోరుకుంటున్నారు?

‘పద్మావత్‌’లాంటి సినిమా చేయాలని ఉంది. అందులో ఎలాంటి వివాదాస్పద అంశాలు లేవు.