పది పాసైతే.. కోస్ట్‌ గార్డ్‌లో నావిక్‌

పది పాసైతే.. 

కోస్ట్‌ గార్డ్‌లో నావిక్‌

ఇండియన్‌ కోస్ట్‌ గార్డు పదోతరగతి విద్యార్హతతో నావిక్‌ పోస్టుల భర్తీకి ప్రకటన విడుదలచేసింది. ఎంపికైనవారిని డొమెస్టిక్‌ బ్రాంచ్‌ కుక్‌, స్టివార్డ్‌ హోదాల్లో తీసుకుంటారు. రాత, దేహదార్ఢ్య,  వైద్య పరీక్షల ద్వారా నియామకాలు చేపడతారు. పదోతరగతి పూర్తిచేసుకున్న పురుష విద్యార్థులకు ఈ ఉద్యోగం మంచి అవకాశంగా చెప్పుకోవచ్చు.

నావిక్‌ ఉద్యోగంలో చేరినవారికి ప్రారంభంలో రూ.21700 మూలవేతనంగా చెల్లిస్తారు. అన్ని అలవెన్సులతో కలుపుకుని మొదటి నెల నుంచే రూ.35,000 వేతనం రూపంలో పొందవచ్చు.
* అర్హత: పదోతరగతిలో 50 శాతం మార్కులతో ఉత్తీర్ణత (ఎస్సీ, ఎస్టీ విద్యార్థులైతే 45 శాతం)
* వయసు: అక్టోబరు 1, 2018 నాటికి 18 - 22 ఏళ్లలోపు ఉండాలి. అంటే అక్టోబరు 1, 1996 - సెప్టెంబరు 30, 2000 మధ్య జన్మించినవాళ్లే అర్హులు. ఎస్సీ, ఎస్టీలకు అయిదేళ్లు; ఓబీసీలకు మూడేళ్లు గరిష్ఠ వయఃపరిమితిలో సడలింపులు వర్తిస్తాయి.
* వేతనం:  రూ. 21,700 మూలవేతనంగా చెల్లిస్తారు. డీఏ, హెచ్‌ఆర్‌ఏ, ఇతర అలవెన్సులు ఉంటాయి. వీటన్నింటితో నెలకు రూ. 35,000 వరకు వేతనం రూపంలో లభిస్తుంది. క్యాంటీన్‌, ఎల్‌టీసీ, వైద్య సేవలు..మొదలైన సౌకర్యాలు కల్పిస్తారు. భవిష్యత్తులో వీరు ప్రధాన అధికారి హోదా వరకు చేరుకోవచ్చు.
* ఎంపిక విధానం:  రాత పరీక్ష, దేహదార్ఢ్య పరీక్ష, వైద్య పరీక్షల ద్వారా

పరీక్ష ఇలా.. *ఆబ్జెక్టివ్‌ తరహాలో ఉంటుంది. క్వాంటిటేటివ్‌ ఆప్టిట్యూడ్‌, మ్యాథ్స్‌, జనరల్‌ సైన్స్‌, జనరల్‌ ఇంగ్లిష్‌, జనరల్‌ అవేర్‌నెస్‌ (కరెంట్‌ అఫైర్స్‌, జనరల్‌ నాలెడ్జ్‌), రీజనింగ్‌ (వెర్బల్‌ అండ్‌ నాన్‌ వెర్బల్‌) అంశాల నుంచి ప్రశ్నలు వస్తాయి.

దేహదార్ఢ్య పరీక్షలు  *రాత పరీక్షలో అర్హత సాధించిన అభ్యర్థులకు దేహదార్ఢ్య పరీక్షలు నిర్వహిస్తారు. ఇందులో భాగంగా 1.6 కి.మీ. దూరాన్ని 7 నిమిషాల్లో పూర్తిచేయాలి. స్క్వేట్‌ అప్స్‌ - 20, పుష్‌అప్స్‌ -10 తీయగలగాలి. * అభ్యర్థులు కనీసం 157 సెం.మీ. ఎత్తు ఉండాలి. ఊపిరి పీల్చక ముందు, పీల్చిన తర్వాత ఛాతి కొలతలో వ్యత్యాసం కనీసం 5 సెం.మీ. రావాలి. * దేహదార్ఢ్య పరీక్షలో అర్హత సాధించినవారికి వైద్యపరీక్షలు నిర్వహిస్తారు. ఇందులోనూ విజయవంతమైతే రాత పరీక్షలో చూపిన ప్రతిభ ప్రాతిపదికన మెరిట్‌ ఆధారంగా తుది నియామకాలు చేపడతారు. ఆయా జోన్లవారీగా ఎంపికైన అభ్యర్థుల  *వివరాలను సెప్టెంబరులో ఇండియన్‌ కోస్ట్‌ గార్డు వెబ్‌సైట్‌లో అందుబాటులో ఉంచుతారు. *అభ్యర్థులు పరీక్ష కేంద్రానికి ఫొటోను జతచేసిన మూడు అడ్మిట్‌ కార్డులు, పదో తరగతి ఒరిజినల్‌ సర్టిఫికెట్‌, మార్కుల పత్రం, ఎస్సీ, ఎస్టీ, ఓబీసీలైతే కుల ధృవీకరణ సర్టిఫికెట్‌;  డొమిసైల్‌ సర్టిఫికెట్‌, ఏదో ఒక ఐడెంటిటీ ప్రూఫ్‌ (ఓటర్‌ ఐడీ లేదా * పాన్‌కార్డు లేదా ఆధార్‌ కార్డు లేదా కాలేజీ ఐడీ) తీసుకెళ్లాలి. వీటన్నింటికీ 3 సెట్ల ఫొటోకాపీలు తీసుకెళ్లాలి.

ఎంపికైతే *అన్ని దశలూ విజయవంతంగా పూర్తిచేసుకుని ఎంపికైన అభ్యర్థులకు అక్టోబరు నుంచి ఐఎన్‌ఎస్‌ చిల్కలో శిక్షణ మొదలవుతుంది. శిక్షణ ప్రారంభానికి ముందే మరోసారి మెడికల్‌ పరీక్షలు నిర్వహిస్తారు. ఇందులో అర్హత సాధించినవారికి మాత్రమే శిక్షణ ఉంటుంది. శిక్షణ అనంతరం విధుల్లోకి తీసుకుంటారు. కుక్‌గా ఎంపికైనవారు కోస్ట్‌ గార్డు ఉద్యోగులకు మెనూ ప్రకారం శాకాహార, మాంసాహార వంటకాలు తయారుచేయాల్సి ఉంటుంది. స్టివార్డ్‌గా విధుల్లో చేరినవాళ్లు భోజన వడ్డన, హౌస్‌ కీపింగ్‌, స్టోర్స్‌ నిర్వహణ తదితర సహకార పనులు చేయాల్సి ఉంటుంది.  * దరఖాస్తులు: ఆన్‌లైన్‌లోనే దరఖాస్తు చేసుకోవాలి.  * ఆన్‌లైన్‌ దరఖాస్తులు:  ఫిబ్రవరి 10 నుంచి ప్రారంభమయ్యాయి.  * ఆన్‌లైన్‌ దరఖాస్తులకు చివరి తేదీ:  ఫిబ్రవరి 16 సాయంత్రం 5 గంటలు.  * పరీక్ష: ఏప్రిల్‌లో నిర్వహిస్తారు.  *తెలుగు విద్యార్థులకు పరీక్ష కేంద్రం: చెన్నై  * వెబ్‌సైట్‌:http://joinindiancoastguard.gov.in